2017 ലെ ക്രിസ്മസ് ആഘോഷ പരിപാടികളെക്കുറിച്ച് ആലോചിക്കുവാന്‍ അടൂര്‍ സംയുക്ത ക്രിസ്മസിന്‍റെ പൊതുയോഗം 22-11-2017 ബുധനാഴ്ച്ച വൈകിട്ട് 4 മണിക്ക് അടൂര്‍ തിരുഹൃദയ കത്തോലിക്കാ ദേവാലയത്തില്‍ കൂടുവാന്‍ തീരുമാനിച്ചിരിക്കുന്നു. ഈ യോഗത്തിലേക്കുള്ള ക്ഷണക്കത്ത് അടൂരും പരിസരത്തുമുള്ള എല്ലാ ക്രൈസ്തവ ദേവാലയങ്ങളിലും ഇന്നു (18-11-17) തന്നെ എത്തിക്കുവാന്‍ ഉള്ള ശ്രമത്തിലാണ് ഫിനാന്‍സ് കമ്മറ്റി അംഗം ശ്രീ ജെയിംസ്‌ ജോര്‍ജ്, ട്രഷറര്‍ ശ്രീ മാത്യു കെ. വര്‍ഗിസ്, പബ്ലിസിറ്റി കമ്മിറ്റി കണ്‍വീനര്‍ ശ്രീ അടൂര്‍ സുഭാഷ്‌ എന്നിവര്‍. പ്രസ്തുത യോഗത്തില്‍ 2016 ലെ സംയുക്ത ക്രിസ്മസിന്‍റെ റിപ്പോര്‍ട്ട്‌, വരവ്-ചെലവ് കണക്കുകള്‍ എന്നിവ അവതരിപ്പിക്കുന്നതും 2017 ലെ ആഘോഷ പരിപാടികള്‍ക്കായുള്ള കമ്മറ്റിക്ക് രൂപം നല്‍കുന്നതുമാണ്. ഏവരുടെയും മഹനീയ സാന്നിദ്ധ്യം സാദരം ക്ഷണിച്ചുകൊള്ളുന്നു.
